Директорот на Агенцијата за аудио и аудиовизуелни медиумски услуги, Зоран Трајчевски, пред една недела престојувал во Шпанија, а по враќањето в земјава не се самоизолирал и продолжил да оди на работа.
Како што појаснува тој во изјава за Фронтлајн, тогаш Шпанија не била во земјите од висок ризик, но од денеска ќе биде во изолација.
„Во понеделникот се вратив од Шпанија, а во средата беше прогласена Шпанија за земја со висок ризик. Вчера бев на совет, а денес не сум на работа бидејќи сум на погреб“,
изјави Трајчевски за Фронтлајн.
На влез во земјава му бил поставен прашалникот за симптоми, исто како и на сите патници кои доаѓаат од странство.
Според последните податоци на Светската здравствена организација, Шпанија е петта по ред од високоризичните држави за коронавирусот.
Министерот за здравство Венко Филипче, апелираше до сите граѓани кои доаѓаат од странство да ги почитуваат препораките на 14 дена самоизолација, бидејќи, како што рече, не се знае кога некоја од државите ќе премине во земја од висок ризик.