12 лица – 4 од Струмица и 8 од Скопје, по 14 дена во изолација, се негативни на вирусот
Попладнето се тестирани уште 7 лица и нивните тестови се негативни
Сите сопатници од комбето кои патувале од Италија кон Македонија заедно со првозаболената пациентка, се негативни на коронавирусот. Станува збор за 4 лица од Струмица и 8 од Скопје.
Ова вечерва го соопшти министерот за здравство, Венко Филипче, на својот официјален профил на Твитер.
„Практично, сите сопатници од комбето на првозаболената, кои во изминатите две недели беа во домашна изолација, се негативни на вирусот. Попладнево на коронавирус беа тестирани уште 7 лица со индикации и нивните тестови се негативни“,
пишува Филипче.
Сумирано, во моментов на Клиниката за инфективни болести фебрилни состојби се хоспитализирани 9 пациенти, од кои 8 се позитивни на вирусот, а по вториот контролен тест, прво заболената е негативна на вирусот, што значи дека таа не е повеќе инфективна, но останува на болничко лекување, додава Филипче.