Коронавирусот ја зеде првата жртва и во Грција. Утрово починал шеесет и шест годишен маж кој бил хоспитализиран во критична состојба, јави дописничката на МИА од Атина.
Лицето било дел од групата која на 27 февруари се врати од патување во Израел и Египет, со кое се поврзуваат најголем дел од заболените во Грција. Досега грчките власти имаат регистрирано околу 99 заболени од коронавирусот.
Веќе неколку дена во сила се вонредните мерки за превенција , а со нив се затворија сите градинки, училишта и факултети во Грција. Дополнително, грчкото јавно обвинителство најави истрага за сите граѓани што се заразени или имаат симптоми на коронавирусот, а не ги почитувале препораките да останат во домашна изолација.
Први смртни случаи од коронавирусот вчера беа регистрирани и во Албанија и Бугарија.