Откако претседателот на Комисијата Панчо Минов го прочита предлог-дневниот ред, петмина пратеници од власта гласаа против дневниот ред, додека четворица членови на опозицијата беа да се расправа за предлогот. Минов констатира дека не е прифатен дневниот ред и ја затвори седницата
Со пет гласа „против“ и четири „за“ денеска на Комисијата за деловничко и мандатно-имунитетни прашања не беше прифатен предлогот на опозициската ВМРО-ДПМНЕ да се расправа за пријавата за повреда на Етичкиот кодекс од страна на пратеникот Талат Џафери, претседател на Собранието.
Откако претседателот на Комисијата Панчо Минов го прочита предлог дневниот ред, петмина пратеници од власта гласаа против дневниот ред, додека четворица членови на опозицијата беа да се расправа за предлогот. Минов констатира дека не е прифатен дневниот ред и ја затвори седницата.
Координаторот на пратеничката група на ВМРО-ДПМНЕ Никола Мицевски изјави дека пратениците од СДСМ го оправдале однесувањето на претседателот на Собранието Талат Џафери и односот кон администрацијата кој што го слушна целата македонска јавност.
„Ова што денеска го доживеа администрацијата и на денот кога се случи, тоа што се направи со заклучувањето на пратениците е нешто што се случува во секоја институција во целата држава, секој ден. Омаловажувањата, понижувањата, мобингот, непочитувањето е нешто што на дневна основа го доживуваат сите граѓани на државата, без разлика на верска, етничка или која било припадност. Вака функционира двоецот, СДСМ и ДУИ“,
рече Мицевски.
Според него, тие секогаш бегаат од одговорност, но одговорност ќе има и тоа пред граѓаните.
Мицевски повторно повика граѓаните да им се придружат на протестот на 18 јуни и рече дека тоа ќе биде почетокот на крајот на оваа аздисана власт и безредие кое владее.
Пријавата беше поднесена од пратениците Дафина Стојаноска, Антонијо Милошоски, Ели Панова, Рашела Мизрахи, Александар Николоски, Дајанчо Ефтимов, Александар Велјановски, Бети Стаменкоска Трајкоска, Зоран Коцевски, Драган Ковачки, Тони Јаревски, Лидија Петкоска, Бојан Стојаноски, Велика Стојкова-Серафимовска, Даниела Христова, Иванка Василевска, Благица Ласовска и Љупчо Пренџов откако во јавноста беше објавена снимка на која се слуша Џафери како со висок тон и недолични зборови се обраќа кон вработени во собраниските служби.
Собранискиот спикер Талат Џафери на последниот брифинг со новинарите рече не чувствува одговорност да се извини на собраниските службеници кон кои се обратил со погрдни зборови. Тој не смета дека го прекршил Етичкиот кодекс и вели дека за ова прашање има процедура која тече во телата на Собранието.
Премиерот Димитар Ковачевски тогаш изјави дека ја прегледал снимката, но рече дека не може да ја коментира зашто, како што рече, од неа не може да се заклучи ниту кој разговара ниту со кого разговара.
Премиерот за снимката со Џафери: Не можам да коментирам, не се гледа кој со кого зборува
Во меѓувреме ВМРО-ДПМНЕ поднесе и интерпелација за Џафери.