Се работи за случајот, кога при преносот во живо од собраниска седница на 11 мај, се слушна комуникација на Џафери на висок тон со вработени во собраниските служби на 11 мај годинава, каде што има навреди и недолични зборови
Собраниската Комисија за деловнички и мандатно-имунитетни прашања денеска ќе одржи седница.
На дневен ред на седницата е пријавата за повреда на Етичкиот кодекс од страна на пратеникот Талат Џафери, поднесена од пратениците Дафина Стојаноска, Антонијо Милошоски, Ели Панова, Рашела Мизрахи, Александар Николоски, Дајанчо Ефтимов, Александар Велјановски, Бети Стаменкоска Трајкоска, Зоран Коцевски, Драган Ковачки, Тони Јаревски, Лидија Петкоска, Бојан Стојаноски, Велика Стојкова-Серафимовска, Даниела Христова, Иванка Василевска, Благица Ласовска и Љупчо Пренџов, под архивски број 30-2335/1 од 18 мај 2022 година.
Се работи за случајот кога при преносот во живо од собраниска седница на 11 мај се слушна комуникација на Џафери на висок тон со вработени во собраниските служби на 11 мај годинава, каде што има навреди и недолични зборови.
Собранискиот спикер Талат Џафери на последниот брифинг со новинарите рече не чувствува одговорност да се извини на собраниските службеници кон кои се обратил со погрдни зборови. Тој не смета дека го прекршил Етичкиот кодекс и вели дека за ова прашање има процедура која тече во телата на Собранието.
Премиерот Димитар Ковачевски тогаш изјави дека ја прегледал снимката, но рече дека не може да ја коментира зашто, како што изјави, од неа не може да се заклучи ниту кој разговара ниту со кого разговара.
Премиерот за снимката со Џафери: Не можам да коментирам, не се гледа кој со кого зборува
Левица побара собраниската Комисија за деловнички прашања да му изрече суспензија на собранискиот претседател.
Во меѓувреме ВМРО-ДПМНЕ поднесе и интерпелација за Џафери.