Владата на вонредна седница го овласти амбасадорот Талески да се согласи на прием на Шведска и Финска во НАТО

Двете држави денеска официјално ги поднесоа нивните барања за влез во Алијансата

Владата денеска одржала вонредна седница на која донела одлука да го овласти постојниот претставник на Северна Македонија во НАТО, амбасадорот Дане Талески, да даде согласност за прием на Шведска и Финска во НАТО, соопштија од владината прес-службата.

Двете држави денеска официјално ги поднесоа нивните барања за влез во Алијансата откако по руската инвазија на Украина дојде до пресврт во нивната надворешно-безбедносна политика.

Финска и Шведска ги поднесоа барањата за членство во НАТО

Меѓутоа, Турција се закани дека ќе стави вето на нивниот прием, а за да го промени ставот во понеделник се очекува претставници на Шведска и Финска да заминат во Анкара на разговори со турскиот државен врв.

Ердоган: Шведска и Финска да не ја очекуваат нашата поддршка за членство во НАТО

Исто така, на нивен прием во алијансата се спротивстави и хрватскиот претседател Зоран Милановиќ, наспроти владата која го поддржува влезот.

Милановиќ контра владата: Хрватскиот амбасадор во НАТО ќе добие инструкции да се спротивстави на членството на Шведска и Финска во НАТО