Откако им пропадна деструктивната идеја за блокирање на Собранието, „невидените“ чекори кои ги најавуваше Мицкоски се сведоа на еден протест за еден месец од сега. Ако на Мицкоски му е потребен еден месец за да организира еден протест, тоа говори за внатрешните проблеми кои ги има за да си ја зачува сопствената фотелја во ВМРО-ДПМНЕ, се вели во вечерашната реакција на СДСМ, во однос на најавата на ВМРО-ДПМНЕ за организација на голем протест на 18 јуни.
Од СДСМ иако и самите велат дека протестот е демократско право, сепак и натаму остнауваат на ставот дека нема да го прифатат барањето за одржување предвремени парламентарни избори.
„Како и да е, протест е демократско право на опозицијата. Што се однесува до изборите, тоа прашање е затворено. Изборите ќе бидат редовни во 2024 година и на тие избори ВМРО-ДПМНЕ ќе загуби. СДСМ уште еднаш посочува дека било какви деструктивни идеи за блокада на државата нема да успеат и повторно ќе бидат поразени“,
се додава во соопштението на СДСМ.