Гувернерката на Народната банка, Анита Ангеловска-Бежоска, истакна дека како централна банка започнале со затегнување на монетарната политика, но оти тоа го прават внимателно и поумерено со цел, како што рече, да нема нагли промени кај активните каматни стапки
По априлското зголемување на каматната стапка, Народната банка пред неколку дена изврши дополнително зголемување за 0,25 процентни поени и таа сега е на ниво од 1,75 отсто
Очекувањата се дека каматните стапки ќе се зголемуваат, но се прават обиди тоа да биде умерено и да не се одрази значително кај населението и корпоративниот сектор, изјави денеска гувернерката на Народната банка, Анита Ангеловска-Бежоска, по објавувањето на пролетните макроекономски проекции.
Одговарајќи на новинарски прашања, гувернерката рече дека затегнувањето на монетарната политика се прави внимателно и умерено за да нема нагли промени кај активните каматни стапки.
„На глобалните финансиски пазари веќе одреден период има нагорно поместување на каматните стапки. Ние сме дел од глобалниот трговски и финансиски систем и тоа што се случува во глобалната економија, има влијание и кај нас“,
рече Ангеловска-Бежоска.
Таа додаде како централна банка започнале со затегнување на монетарната политика, но оти тоа го прават внимателно и поумерено со цел, како што рече, да нема нагли промени кај активните каматни стапки.
По априлското зголемување на каматната стапка, Народната банка пред неколку дена изврши дополнително зголемување за 0,25 процентни поени и таа сега е на ниво од 1,75 отсто.
При донесувањето на ваквата одлука, информираат од Народната банка, биле земени предвид најновите движења кај инфлацијата, којашто и во април забрза, како и влијанието на ваквите остварувања врз инфлациските очекувања.