Околу 15% од граѓаните на ЕУ постари од 18 години се уште не се вакцинирани
Само околу 50 отсто од граѓаните на ЕУ досега се целосно вакцинирани против коринавирус и добиле засилувачка доза. Овие податоци ги презентира на брифинг Марко Кавалери, раководител на стратегијата за здравствени опасности и вакцинација на ЕМА.
„Како и досега, мора да се даде приоритет на вакцинацијата на населението. Само 50 отсто од Европејците се целосно вакцинирани и примиле засилувачка доза. Околу 15% од граѓаните на ЕУ постари од 18 години се уште не се вакцинирани. Исклучително е важно лицата кои не се вакцинирани или не се вакцинирани со дополнителна вакцина да се вакцинираат, особено ако се изложени на висок ризик од сериозно заболување“,
рече тој.
Денеска ЕМА соопшти дека очекува до септември да биде одобрена вакцина која е специјално дизајнирана за соевите на корнавирусот, посебно омикрон.
Иако многу земји од ЕУ ги укинаа ковид-сертификатите, од ЕК на крајот на април беа децидни дека е прерано да се укинат иако тие сѐ помалку се користат во земјите членки на ЕУ, изјави портпаролот на ЕК, Кристијан Виганд, на редовниот брифинг за новинари во Комисијата.