Зборувајќи за жртвите од војната, Зенески рекол дека во Мариупол се убиени десетици илјади цивили
Украинскиот претседател Володимир Зеленски денеска ги обвини Германија и Унгарија дека ги блокираат напорите на ЕУ за воведување на ембарго на увоз на руски енергенси, од кои Русија годинава, како што тврди, може да заработи до 360 милијарди долари, пренесува Би-би-си.
„Некои наши пријатели и партнери разбираат дека дојде поинакво време, односно време кога не станува збор за бизнис и пари. Ова е прашање на опстанок“,
изјавил Зеленски за Би-би-си.
Тој ги повторил барањата да се испорача уште оружје и воена опрема во Украина, истакнувајќи дека украинската војска не добива доволно брзо оружје за да ги одбие руските напади.
Зборувајќи за жртвите од војната, Зенески рекол дека во Мариупол се убиени десетици илјади цивили.
„Покрај таа бројка имаме информации дека многу луѓе се водат за изчезнати. Нашите информации зборуваат и затоа дека на нив им се дадени руски пасоши и се однесени длабоко во Русија, во некои кампови, градови. Никој не знае што е стие луѓе. Никој не знае и колку од нив се мртви“,
додал Зеленски.