Вчера Зеленски имаше обраќање до американските конгресмени, во кое отворено побара поддршка од претседателот Џо Бајден за справување со руската инвазија
Украинскиот претседател Володимир Зеленски денеска ќе се обрати пред германските пратеници.
„Билд“ објави дека се очекува Зеленски да побара дополнителна помош од Германија – финансиска и во оружје.
Вчера Зеленски имаше обраќање до американските конгресмени, во кое отворено побара поддршка од претседателот Џо Бајден за справување со руската инвазија.
Германскиот канцелар Олаф Шолц е меѓу најгласните поддржувачи на Украина, а ги зголеми германските трошоци за одбрана и испрати оружје во Украина.
Анкетите покажуваат дека многу Германци го поддржуваат повикот на Зеленски за забрана на руските енергенти, но министрите сметаат дека укинувањето на употребата на рускиот гас не треба да биде веднаш туку постепено.