Меѓународен суд на правдата: Русија веднаш да ја запре воената операција во Украина

Украина оствари целосна победа во случајот против Русија пред Меѓународниот суд на правдата. Игнорирањето на наредбата уште повеќе ќе ја изолира Русија, вели Зеленски кој се огласи по одлуката на МСП

Меѓународниот суд на правдата (МСП) денеска и нареди на Русија веднаш да ја прекине воената операција во Украина.

Судиите порачаа Руската Федерација веднаш да ги прекине воените операции кои започнаа на 24 февруари 2022 година на територијата на Украина и да се погрижи другите сили под нејзина контрола или оние поддржани од Москва да не ја продолжат воената операција.

„Судот е свесен за размерите на човечката трагедија во Украина … Судот е длабоко загрижен за употребата на сила од страна на Руската Федерација во Украина, што покренува многу сериозни прашања за меѓународното право“,
рече претседавачкиот судија Џоан Доногју.

До јавноста се обрати и украинскиот претседател Володомир Зеленски.

„Украина оствари целосна победа во случајот против Русија пред Меѓународниот суд на правдата. МСП нареди веднаш да се запре инвазијата. Наредбата е обврзувачка според меѓународното правото. Русија мора веднаш да се усогласи. Игнорирањето на наредбата уште повеќе ќе ја изолира Русија“,
вели Зеленски.

Ukraine gained a complete victory in its case against Russia at the International Court of Justice. The ICJ ordered to immediately stop the invasion. The order is binding under international law. Russia must comply immediately. Ignoring the order will isolate Russia even further
— Володимир Зеленський (@ZelenskyyUa) March 16, 2022