Истрага за пожарот во Тетово: МЗ сака да ја приложи документација за поставувањето на сите 17 регионални ковид-центри

Од Министерството објаснуваат дека по поставувањето на модуларните контејнери се вршело нивно примопредавање, во што учествувале инженери од МЗ и од МТСП, како и претставници од изведувачот и од болниците, со што објектите се предавале на болниците во целост, согласно техничките спецификации од договорот

Од Министерството за здравство ја поздравуваат истрагата на обвинителството за трагедијата во Тетово и најавуваат дека во тие рамки ќе ја приложат елокупната потребна документација, вклучително со таа за поставувањто на сите модуларни ковид болници во земјава.

„Ги информираме јавноста и истражните органи дека стоиме на располагање на сите институции и сакаме да соработуваме и да ја приложиме целокупната документација со која располагаме, за поставувањето на сите 17 регионални ковид центри во државата. Стручни технички извештаи од извршените испитувања на отпорите на заштитното заземјување, испитување на непрекинатоста на заштитниот проводник и отпорите на распространување на инсталацијата за заштита од атмосферски празнења, сертификати за тестирање и квалитет на материјалите кои се вградени во префабрикуваните модуларни контејнери, сертификати за ѕидни и кровни панели, за подови, известувања за извршена хидро проба и тестирање на инсталираната водоводна мрежа, известувања за исполнетост на минимални технички барања во однос на конструкција, плафони, столарија, греење и ладење, инсталации и подови, изјава за сообразност, записници од примопредавање на префабрикуваните модуларни контејнери-регионални ковид центри, решенија за пренесување на вредност на модуларни контејнери, како и решенија за пренесување на вредност на инвентар и немедицинска опрема на болниците, се достапни за увид“,

се набројува во известувањето од МЗ.

Германски експерти од Федералната криминалистичка полиција ќе помагаат во истрагата за пожарот во Тетово

Министерството за здравство објаснува дека, по поставувањето на модуларните контејнери се вршело нивно примопредавање, во што учествувале инженери од МЗ и од Министерството за труд и социјална политика, како и претставници од изведувачот и од болниците, со што објектите се предавале на болниците во целост, согласно техничките спецификации од договорот.

Министерството за здравство, не сакајќи да се меша во јавнообвинителските одлуки и дејствувања, ниту да наштети на независната истрага што ја водат Основното јавно обвинителство и Обвинителството за гонење организиран криминал и корупција, по претходна нивна дозвола, документацијата со која располагаме подготвени е подготвено да ја достави на увид“,

соопштија од МЗ.

Филипче: По завршување на истрагата ќе одлучам дали ќе поднесам оставка