Во градот кој е моментно најзагрозен од ковид-19 има шест нови смртни случаи, меѓу кои најспецифичен е тој со младото момче кое не реагирало на терапијата, иако 10 дена се лекувало во тамошната болница
Момчето на 21 година починало ноќеска, по околу 10 дена лекување во тетовскиот ковид центар. Пациентот бил хоспитализиран на на 15 август, а карактеристична при болничкото лекување била отпорноста кон терапијата.
Координаторот во ковид -центарот во Тетово, д-р Гзим Нуредини, соопшти дека момчето немало хронични болести. Лекарите се сомневаат дека во овој случај можеби станува збор за некој синдром, затоа што младиот пациент воопшто не реагирал на терапијата.
Пациентот беше примен во многу тешка општа состојба. Во неколку наврати го посетуваа лекари од Скопје, кои дојдоа и ден пред да почине. Беше на антивирална терапија по најновите протоколи, но, за жал, беше резистентен на терапијата. По официјални анамнестички податоци што ги имаме, се работи за лице без никакви коморбидетети. Неофицијално, по претпоставка, се сомневаат за некаков синдром, според искуството на лекарите“,
изјави Нуредини.
Тој апелираше до младите да внимаваат бидејќи се главни преносители на вирусот.
„Во Тетово има многу млади заразени. Нека не мислат дека е од клима, настинка, туку треба да се тестираат. Или, ако не се тестираат, нека се изолираат. Да не мислат луѓето дека е шега, нема специфична терапија, ако самиот имун систем не е во ред, а тој се бори со вирусот“,
изјави Нуредини.
Во градот кој е моментно најзагрозен од ковид-19 има шест нови смртни случаи, меѓу кои најспецифичен е тој со младото момче. Вчера, во Тетово беа регистрирани десет смртни случаи.