„Заменик-државната секретарката на Стејт Департментот – Шерман отворено ја поздрави заложбата на Северна Македонија како потврден и доверлив партнер на САД во оваа заедничка хуманитарна мисија“, велат до Владата
Премиерот Зоран Заев попладнево оствари работна средба преку видео конференциска врска со заменик-државната секретарката на Стејт Департментот на САД, Венди Шерман, а на кој беа присутни и останатите сојузници како и претставници на НАТО.
Како што соопшти владината прес-служба, на состанокот била разгледана моменталната безбедносна состојба во Авганистан и биле утврдени механизмите за евакуација на миротворното население кое, како што беше речено, 20 години ја негуваше демократијата во Авганистан.
Премиерот Заев ги информирал сојузниците дека Северна Македонија ги заврши сите неопходни подготовки со кои Владата во овој момент е подготвена да прифати околу 650 граѓани. Како што посочи, се работи за локално население од Авганистан и тоа вработени и жени и деца од семејства на вработени во хуманитарните, демократски и миротворни меѓународни мисии, активисти од организациите за човекови права, новинари, преведувачи, студенти, стипендисти, како и граѓани кои изминатите 20 години беа поддршка на НАТО сојузничките сили во Авганистан, вклучително и на македонската армија.
„Заменик-државната секретарката на Стејт Департментот – Шерман отворено ја поздрави заложбата на Северна Македонија како потврден и доверлив партнер на САД во оваа заедничка хуманитарна мисија“, стои во соопштението.