Чешка бара само пет дипломати да останат во руската амбасадата во Прага

Потегот следи откако Руската Федерација не одговорила на барањето на Чешка за враќање во Москва на 20 протерани вработени од нејзината амбасада, поради што во чешката амбасада во Москва сега има само пет дипломати

Чешка одлучи да го намали бројот на вработените во руската амбасада во Прага, колку што изнесува и бројот на вработените во амбасадата на Чешка во Москва, соопшти на прес-конференција чешкиот министер за надворешни работи Јакуб Кулганек.

Потегот следи откако Руската Федерација не одговорила на барањето на Чешка за враќање во Москва на 20 протерани вработени од нејзината амбасада.

Претходно, Чешка одлучи да протера 18 руски дипломати, кои ги смета за агенти на руското воено разузнавање, ГРУ и руското надворешно разузнавање (СВР).

Протерани 18 руски дипломати од Прага – Чешка ги смета за разузнавачи на ГРУ која стои зад експлозиите во 2014 година

Русија возврати со најава за протерување на 20 чешки дипломати.

По ова шефот на меѓународниот оддел на чешката претседателска администрација, Рудолф Јиндрак, најави дека само пет дипломати ќе останат во амбасадата на Чешка во Москва.

Според чешкото МНР, во руската амбасада во Прага работат 27 дипломати и 67 лица технички персонал, а пет дипломати и 19 лица технички персонал работат во амбасадата на Чешка во Москва.

Така, 22 дипломати и 48 лица технички персонал би можеле потенцијално да бидат протерани од руската амбасада во Прага. Претходно денеска, Кулганек истакна дека околу 60 Руси ќе мора да ја напуштат Прага за да се изедначи бројноста во амбасадите.

Серија апсења во Чешка за поврзаност со руската служба ГРУ