Министерот за здравство, Венко Филипче, информира дека на првиот ден од стартувањето на масовната вакцинација против ковид, се вакцинирале по 300 лица на час. Тој вели дека процесот на имунизација во А1 арената во салата „Борис Трајковски“ се одвива добро и според планот.
„Во просек се вакцинираат околу 300 лица на час или околу 3000 дневно. Денес се вакцинираа дел од здравствените работници како и еден дел од припадници на МВР. Утре продолжува вакцинациајта на МВР и започнува на припадниците на АРМ. Колегите ме информираат дека целиот систем функционира беспрекорно и тоа многу ме радува. Да бидеме максимално претпазливи во неделите што следат и да ги почитуваме мерките без исклучок“,
соопшти Филипче.
Тој потсети дека од утре стапуваат на сила поригорозни мерки и повика сите граѓани да го дадат својот придонес во битката со пандемијата.