Според првиот човек на СЗО, бројот на случаи се зголемува во повеќето региони и овие загрижувачки трендови покажуваат влијанието на новите мутации на вирусот, отворањето на општествата и нерамномерната распределба на вакцини
Светската здравствена организација (СЗО) излезе со загрижувачка изјавата соопштувајќи ги трендовите на ширење на заразата со ковид-19. Генералниот директор, Тедрос Гебрејесус рече дека загрижува тоа што четири недели по ред бројот на нови случаи се зголемува.
„По шест недели опаѓање на случаи со Ковид-19 во јануари и февруари, сега имаме четврто последователно зголемување на бројот на случаи. Во моментов, бројот на смртни случаи продолжува да опаѓа, но со побавно темпо“,
нагласи Тедрос.
Според него, бројот на случаи се зголемува во повеќето региони и овие загрижувачки трендови го покажуваат влијанието на новите мутации на вирусот, отворањето на општествата и нерамномерната распределба на вакцини.
Податоците на СЗО говорат дека само во последните 24 часа има повеќе од 535 000 новозаразени и речиси 10 000 смртни случаи.
Најголем дел од новите случаи се во Европа – 233 000, а следни се Северна и Јужна Америка со 195 970, додека во Јогоисточна Азија бројот на новоинфицирани е 49 211.