Сеизмолошката опсерваторија при скоспкиот Природно-математичкиот факултет информира дека земјотресот што вечерва се случи во Грција, а беше почувствуван и во земјава, се случил во 19:38 минути на 260 километри јужно од Скопје.
„Телеметриската сеизмолошка мрежа во земјава одржувана од Сеизмолошката опсерваторија при скопскиот Природно-математички факултет, вечерва во 19 часот и 38 минути регистрира земјотрес чиj епицентар се наоѓа 260 километри јужно од Скопје, во соседна Грција. Земјотресот бил со локална магнитуда од 5,9 степени според Рихтеровата скала“,
информираат оттаму.
Според досегашните податоци, земјотресот е почуствуван на целата територија на земјава со интензитет од 3 до 4 степени според Европската макросеизмичка скала.