Првообвинетиот, поранешниот министер за транспорт и врски Миле Јанакиевски, на повторните воведни зборови рече дека не се чувствува виновен и дека обвинението не му е јасно до крај
Поради изминување на 90 дена од последното одржано рочиште, судењето за предметот „Шпански скали“ денеска почна одново.
Првообвинетиот, поранешниот министер за транспорт и врски Миле Јанакиески, на повторните воведни зборови рече дека не се чувствува виновен и дека обвинението не му е јасно до крај.
Слични изјави дадоа и другите обвинети кои, меѓу другото, посочија дека не им е јасно за што се обвинети.
Застапник на обвинението е јавната обвинителка Ивана Трајчева, а судењето го води судијата Владимир Туфегџиќ.
Во случајот „Шпански скали“, покрај ексминистерот Јанакиески, обвинети се Димитар Димовски, Билјана Дејановска-Димитровска, Виолета Самарџиска, Анета Јорданова, Дејан Митевски, Емилија Радојкова, Снежана Крстевска, Ристо Папазов, Лидија Смиљановска и Марјан Јованов.
Тие се товарат дека со незаконската продажба на парцелите пред зградата на ЕВН на плоштадот во Скопје ја оштетиле државата за 2,6 милиони евра.