Британскиот премиер Борис Џонсон разгледува опции за воведување нови мерки за карантин на национално ниво од следната недела.
Главната причина за тоа е загриженоста поради преоптовареноста на болниците поради големиот скок на бројот на новоинфицирани со ковид-19, објави Тајмс.
Министерот за надворешни работи, Доминик Раб, претходно изјави дека воведувањето карантин на ниво на цела Велика Британија не е потребно со цел да се намали зголемувањето на бројот на заразени и додаде дека локализираниот пристап може да биде ефикасен, доколку сите се придржуваат кон мерките.
Според податоците на владата, во Велика Британија вчера беа регистрирани 24.405 нови случаи назаразени и уште 274 смртни случаи од ковид-19.