На прашањето како го коментира предлогот на Комисијата за заразни болести за враќање на полицискиот час за претстојниот продолжен викенд и воведување на целосен карантин за Скопје, Куманово, Штип и Тетово, заменик министерот за надворешни работи Андреј Жерновски вели дека тоа не значи дека состојбата не е под контрола и дека се носат ад хок мерки.
Во интервју за Телевизија 24 вели дека нема тактизирање со бројките и дека состојбата добро се менаџира.
„Ова е препорака на Комисијата ќе видиме што ќе каже Владата. Но, ова мене ми кажува и на сите треба да ни каже дека се преземаат мерки и дека воопшто не се тактизира поради извесни избори итн. Владата да каже сега не одиме во карантин. Напротив, ако знаеме што правиме и што сакаме и знаеме каде се жариштата, условно кажано, тогаш тие се под контрола. И затоа мислам дека оваа мерка е добра што се препорачува и треба да ни каже на сите дека здравствените власти и Владата знае што прави кога евентуално ги носи овие одлуки“,
порача Жерновски.