Како што веќе најави ЕВН, денеска до пладне ја чека писмената гаранција од Владата дека ќе го плати долгот на Клиничкиот центар
ЕВН утринава ја исклучи струјата во „Железници – транспорт“ поради неплатен долг од 6,5 милиони евра. Како што најавија од ЕВН претходно, ќе бидат исклучени сите државни институции кои со години не плаќале струја. На ред за исклучување е Клиничкиот центар.
„Рано утринава се исклучени мерните места на ‘МЖ – транспорт’. Без снабдување останаа сите делови што се напојуваат од Електродистрибуција“,
потврдија од ЕВН.
Од „Железници – транспорт“ за МИА потврдуваат дека нема струја во депото во Лисиче во Скопје и во објектите во Велес.
Оттаму најавуваат дека исклучувањето на струјата ќе повлече и прекин на сообраќајот што ќе се случи откако ќе биде потрошена нафтата во возовите. Без објектите каде е исклучена струјата, појаснуваат, не може да функционира претпријатието, бидејќи тука се снабдуваат возовите со нафта, а пумпата работи на струја.
Како што веќе најави ЕВН, денеска до пладне ја чека писмената гаранција од владата дека ќе го плати долгот на Клинички центар.
Долгот на Клинички за период од 3 години е повисок од 7 милиони евра.
Владата најави дека ќе го плати целиот долг на јавниот сектор кон ЕВН кој изнесува 40 милиони евра.