Зголемен бројот на жртви по уривањето на воениот авион во станбен блок во Русија: Најмалку 13 загинати

Меѓу жртвите се и три деца, а причината за уривањето е пожар на еден од моторите во воениот авион

Најмалку 13 лица загинаа откако руски воен авион се урна во станбена блок во градот Јејск, на југот на Русија во близина на Украина, говорат последните информации од руските власти за билансот на жртви по вчерашната несреќа.

Бројот на жртви, како што објаснуваат од руското Министерство за вонредни состојби, се зголеми откако спасувачките екипи ги завршија потрагите под урнатините од станбениот блок. Меѓу загинатите има и три лица.

Две лица загинаа и 15 се повредени при ударот на руски воен авион во зграда во Русија

Според информациите од руските власт, 68 лица, пак, биле спасени од пожарот што беше предизвикан од ударот на авионот во деветкатницата. Од нив, 19 се згрижени за да им се пружи помош.

Двајцата пилоти во авионот од типот Су-34 се катапултирале од леталото и се спасиле.

Според извештајот од нив, за кој информираше руското Министерство за одбрана, причината за уривањето на авионот бил пожар во еден од моторите.

(ВИДЕО) Трагедија во Русија: Авион се урна врз станбен блок – Опожарена зграда