Руското Министерство за одбрана соопшти дека пилотите на авионот пријавиле пожар во моторот за време на полетување, поради што авионот се урнал во Јејск. Двајцата пилоти успеале да се катапултираат од авионот неколку моменти пред ударот
Руски воен авион падна врз станбена зграда во градот Јејск, во регионот на Краснодар, во близина на југоисточната граница со Украина. Глетката, како што јавуваат локалните медиуми, е застрашувачка и притоа избил голем пожар.
BREAKING: Military plane crashes into apartment building in Yeysk, Russia pic.twitter.com/FFP2XUc13b
— BNO News (@BNONews) October 17, 2022
Падот на авионот го потврди и руското Министерство за одбрана. Во соопштението се наведува дека станува збор за борбен авион од типот Су-34.
Според снимките што се споделуваат на социјалните мрежи, во пламен е и станбената зграда.
Пожарот зафатил најмалку 2 000 квадратни метри од зградата од 1 до 5 кат, соопшти Министерството за вонредни состојби.
При ударот била видлива голема огнена топка која предизвикала пожари во 9-катницата. Локален претставник изјави дека пожарот зафатил неколку ката и уништил непознат број станови.
„Амбулантни возила и пожарникари доаѓаат од целиот град, хеликоптери се во областа“,
изјави еден жител за државната новинска агенција ТАСС.
Детали за можни жртви не се познати.
Footage is circulating of what is reportedly the aftermath of a Russian Su-34 crashing into a block of flats in the city of Yeysk in Krasnodar Territory
— Francis Scarr (@francis_scarr) October 17, 2022
Judging by the bangs, it was loaded up with ammunition
The pilot apparently managed to eject pic.twitter.com/AZmPBHsADX
Руското Министерство за одбрана соопшти дека пилотите на авионот пријавиле пожар во моторот за време на полетување, поради што авионот се урнал во Јејск. Двајцата пилоти успеале да се катапултираат од авионот неколку моменти пред ударот.
A photo circulating where the pilot appears to have ejected from the plane pic.twitter.com/6eQ1AIjQtk
— Mary Ilyushina (@maryilyushina) October 17, 2022