Според најавите, Зеленски лично ќе се обрати во британскиот Парламент каде што се очекува премиерот Риши Сунак да објави дополнителна помош за Киев. Најавено е дека Зеленски ќе ги посети и украинските војници кои се обучуваат од британските сили
Владата на Обединетото Кралство претходно најави дека ќе започне обука на украински пилоти за управување борбени авиони според НАТО-стандардите. Најавената обука е прва официјална програма во која украинските пилоти ќе учат да управуваат со борбени авиони од западно производство. Сепак, нема најави дека западните сојузници ќе испратат авиони во Киев, иако тоа го побара украинскиот претседател
Украинскиот претседател Володимир Зеленски денеска е во ненадејна посета на Велика Британија, што е негова прва посета на Обединетото Кралство од почетокот на руската инвазија на Украина минатата година.
Зеленски беше пречекан од премиерот на Британија, Риши Сунак, со кого ќе оствари средба во текот на денот.
По пристигнувањето, во објава на Инстаграм, Зеленски напиша дека неговата посета на Велика Британија е благодарност за поддршката што Украина ја добила од оваа земја од почетокот на воениот конфликт.
„Велика Британија беше една од првите кои ѝ помогнаа на Украина. Денеска сум во Лондон за лично да им се заблагодарам на британскиот народ за нивната поддршка и на премиерот Риши Сунак за неговото лидерство“,
се наведува во описот на фотографијата на инстаграм-профилот на Зеленски.
Според најавите, Зеленски лично ќе се обрати во британскиот Парламент каде што се очекува премиерот Риши Сунак да објави дополнителна помош за Киев, а најавено е дека ќе се сретне и со британскиот монарх Чарлс Трети.
„Премиерот ќе понуди да ја зголеми понудата за британска обука за украинските војници, таа ќе биде проширена и на борбени пилоти, за да се осигури дека Украина може да го брани своето небо во иднина“,
се вели во соопштението на британскиот премиер.
Најавено е дека Зеленски ќе ги посети и украинските војници кои се обучуваат од британските сили.
Владата на Обединетото Кралство претходно најави дека ќе започне обука на украински пилоти за управување борбени авиони според НАТО-стандардите. Најавената обука е прва официјална програма во која украинските пилоти ќе учат да управуваат со борбени авиони од западно производство. Сепак, нема најави дека западните сојузници ќе испратат авиони во Киев, иако тоа го побара украинскиот претседател Володимир Зеленски.
Од Лондон се очекува в четврток Зеленски да продолжи во Брисел каде што треба да се обрати пред Европскиот парламент.