Во својот одговор на честитката од украинскиот претседател Зеленски, италијанската премиерка Џорџа Мелони напиша дека Украина може да смета на поддршка од Италија за слободата на украинскиот народ
Украинскиот претседател Володимир Зеленски синоќа преку Твитер ѝ ја честита изборната победа на новата премиерка на Италија, Џорџа Мелони и ѝ се заблагодари за помошта поради руската воена инвазија на Украина.
Тој објавата на Твитер ја напиша на италијански јазик.
„Ја цениме континуираната поддршка на Италија за Украина во борбата против руската агресија. Сметаме на плодна соработка со новата италијанска влада“,
напиша Зеленски на Твитер.
Congratulazioni a @GiorgiaMeloni e al suo partito per la vittoria alle elezioni. Apprezziamo il sostegno costante dell’Italia all'Ucraina nella lotta contro l'aggressione russa. Contiamo su una proficua collaborazione con il nuovo governo italiano.
— Володимир Зеленський (@ZelenskyyUa) September 27, 2022
Во својот одговор на честитката, италијанската премиерка напиша дека Украина може да смета на поддршка од Италија за слободата на украинскиот народ.
„Драг Зеленски, знаете дека можете да сметате на нашата лојална поддршка за каузата за слободата на украинскиот народ. Останете силни и одржувајте ја вашата вера цврста!“,
напиша Мелони во објавата на Твитер.
Мелони беше една од ретките политички лидери во Италија кои ја поддржаа одлуката на премиерот во заминување Марио Драги да испорача оружје на Украина, иако тогаш таа беше опозиција. Наспроти неа, нејзините политички сојузници Лига и Напред Италија беа против, иако беа во коалиција со Драги.