Редовната служба на Итната медицинска помош нема да биде засегната и таа ќе биде на располагање на населението, велат од Здравство
За време на самиот на ОБСЕ, здравствениот систем ќе функционира непречено, само со засилени капацитети, најави денеска заменик-министерката за здравство Маја Манолева.
Таа вели дека било дадено известување до сите јавни здравствени установи, да имаат дополнителни екипи во приправност, ако се зголемат потребите за дополнителна здравствена услуга, во кадар, простор и опрема.
Манолева вели дека Министерството за здравство во изминатиот период презело повеќе активности во однос на организацијата на здравствената дејност по повод Министерскиот совет на ОБСЕ и во однос на здравствената заштита на населението.
Во Министерството за здравство, како што вели Манолева, во однос на самитот на ОБСЕ, номинирано е едно лице за контакт кое ќе биде во постојана комуникација со организацијата на самитот.
„Тоа лице ќе ги координира евентуално потребните активности за здравствена заштита на некои од учесниците на самитот. Освен ова, од најголемите здравствени установи, јавни и приватни, номинирани се одреден број на лица кои исто така во рамки на тие установи ќе ги координираат евентуално потребните активности“,
додава таа.
Манолева вели дека службите на Итната медицинска помош се распоредени на одредени стратегиски точки.
„Редовната служба на Итната медицинска помош нема да биде засегната и таа ќе биде на располагање на населението, преземени се повеќе возила од околните градови“,
рече Манолева.
Јавните здравствени установи согласно одлуката на Владата, не влегуваат во препораките за прекин на работното време денеска после 12 часот и утре.