Две третини од сенаторите треба да гласаат за осуда на Трамп, што значи дека 17 републиканци треба да им се придружат на демократите, што е малку веројатно да се случи
Адвокатите на Доналд Трамп почнаа со одбрана во Сенатот, каде на поранешниот претседател му се суди за поттикнување на крвавиот упад на неговите приврзаници во Конгресот минатиот месец, нарекувајќи го процесот на отповикување „политичка одмазда“.
Одбраната ќе трае околу четири часа.
Адвокатите на Трамп велат дека тој не ги поттикнал немирите на 6 јануари во кои загинаа пет лица, вклучувајќи и еден полицаец. Тие рекоа дека неговото право на говор е заштитено со Уставот на САД и дека обвинителите не успеале директно да ги поврзат постапките на демопнстрантите со поранешниот претседател.
„Процесот на отповикување пред Сенатот е неправеден и јасно неуставен чин на политичка одмазда. Тоа е политички мотивиран лов на вештерки, започнат од демократите“,
рече адвокатот Мајкл ван дер Вен во воведниот збор.
Демократите во улога на обвинители вчера ги повикаа американските сенатори да спречат поранешниот претседател да се кандидира повторно со тврдење дека Трамп повторно ќе го стори истото кога ќе се врати на власт.
Ван дер Вин рече дека поентата на обраќањето на Трамп пред приврзаниците е дека демократските процеси мора да го почитуваат словото на законот и не се зборови на некој што поттикнува насилен бунт.
Две третини од сенаторите треба да гласаат за осуда на Трамп, што значи дека 17 републиканци треба да им се придружат на демократите, што е малку веројатно да се случи.