Се забрануваат и прослави за повеќе од 20 лица
Поради влошената епидемиолошка состојба и зголемениот број нови случаи на ковид-19, а по препорака од надлежната комисија, грчкиот остров Закинтос и градот Ханија на Крит од утре влегуваат во црвената зона и на нив ќе стапи на сила полициски час и забрана за музика во угостителските објекти, јави дописничката на МИА од Атина.
Мерките ќе бидат во сила една седмица, односно до 13 август 2021 година, а полицискиот час ќе биде од 1 часот по полноќ до 6 часот наутро, додека музиката ќе биде забранета во текот на целиот ден.
Дополнително, како што соопштија од Секретаријатот за цивилна заштита на Грција, забрането е организирање на секаков вид собири на над 20 лица во приватни простори, во спротивно, предвидени се казни од 50 000 до 200 000 евра.