Иако засега не се планира воведување полициски час или карантин, премиерот ги повикува граѓаните да останат дома и да не се групираат
Премиерот Зоран Заев упати апел до граѓаните, преку својот фејсбук-профил, да не се собираат за време на зимските празници и на семејни слави, за да се спречи ширење на коронавирусот.
„Со приближувањето на зимските празници, апелирам да нема собирања по домовите. Да останеме скромни, воздржани и одговорни за време на славите и имендените оваа година. Тие ќе бидат тука и идната година, и тогаш, здрави и живи, ќе си честитаме и ќе прославиме согласно традицијата“,
вели Заев.
Заев изјави вчера дека засега остануваат истите мерки за заштита од ковид-19 и не се планира воведување полициски час или карантин. И доколку би се вовел полициски час тој би бил од 21 часот до изутрина.