Унгарскиот министер за надворешни работи, Петер Сијарто, за време на посетата на земјава се сретна и со лидерот на СДСМ, Зоран Заев кој се заблагодарил за помошта од Унгарија.
„Помошта што ја добиваме од Унгарија само го потврдува пријателството на нашите држави и народи“,
порачал Заев.
Во разговорот, посочуваат од СДСМ, беше заклучено дека оваа посета на министерот Сијарто е охрабрување за сите успеси кои ги постигнавме во изминатите три години како што се членството во НАТО и почетокот на преговорите со ЕУ.
„Претседателот Заев и Сијарто заеднички се согласија дека е многу важно што дури и во овие тешки моменти ЕУ смогна сили да ја донесе долгоочекуваната одлука за почеток на преговорите за членство со Република Северна Македонија и дека можеме да очекуваме преговорите и практично да започнат до крајот на јуни оваа година“,
пишува во соопштението од СДСМ.
Сијарто носејќи помош за справување со коронакризата, претходно се сретна со министрите за надворешни и внатрешни работи, Никола Димитров и Наќе Чулев, како и со лидерот на ВМРО-ДПМНЕ, Христијан Мицкоски.