Од Владата посочуваат и дека посетата на нашата делегација, како што констатирале на средбата со Радев, доаѓа во момент кога силната динамика на контактите и дијалогот се од огромна важност за односите меѓу двете земји
По средбата со премиерот на привремената бугарска влада Стефан Јанев и политичките лидери, премиерот Зоран Заев се сретна и со претседателот на Бугарија, Румен Радев, по што од Владата порачаа дека оваа посета е значајна бидејќи ќе го поттикне идните чекори за изнаоѓање решение за отворените прашања.
„Двајцата соговорници на средбата истакнаа дека јасната европска перспектива на Република Северна Македонија е од големо значење за Бугарија и нејзиното конкретно остварување е во прилог на заедничката иднина на двете земји во ЕУ. Премиерот Заев на средбата истакна дека градењето на пријателството меѓу братските народи на двете земји е обврска на лидерите кои пред себе треба да ја имаат перспективата на младите“,
соопштија од Владата по средбата.
Во делегацијата што ја предводи Заев се и вицепремиерот за европски прашања, Никола Димитров, и шефот на дипломатијата, Бујар Османи.
Од Владата посочуваат и дека посетата на нашата делегација, како што констатирале на средбата со Радев, доаѓа во момент кога силната динамика на контактите и дијалогот е од огромна важност за односите меѓу двете земји.