Буџетот е стабилен, во добра кондиција, а државата е финансиски ликвидина и солвентна. Во иднина не само што може да издржи, туку и граѓаните треба да сметаат на својата земја, тврди премиерот Зоран Заев.
„Буџетот во октомври од данок на добивка, данок на личен доход и ДДВ има 102 отсто исполнестост во споредба со октомври 2019-та. Тоа го кажувам за луѓето да знаат дека Буџетот е стабилен. Во септември имаме пет отсто пад. Генерално Буџетот паѓа, но е стабилен. Направивме екстензивен буџет за да вбризгаме пари. Во последниот пакет ги помагаме општините, комуналните претпријатија, дополнителни 10 – 12 милиони евра се за капитални инвестиции на локално ниво“,
истакна Заев.
Тој најави дека државата и натаму ќе продолжи да го помага бинисот кој е најпогоден од ковид-кризата, најавувајќи дека со ребалансото на Буџетот кој е пред донесување се продолжува со досегашните антикризни мерки, а по нова година најави и петти сет мерки.
„Зборувам за работниците, компаниите, за социјално ранливите категории, за сиромашните, за сите на кои им трерба помош. Пакетот што го донесовме веќе неколку пати е дополнет, а во иднина по Нова Година ќе има и петти пакет. Суштината е економијата да живее. Никој не сака помош, сака да работи“,
рече Заев во интервју за Сител, говорејќи за владините мерки за поддршка на економијата.
На прашањето, дали има фирми ко не сакаат да ги користат овие мерки, Заев рече дека има, и дека тоа се компании кои добро работат како маркети, фармацевтската индустрија, аптеки…, додека најмногу се погодени бизнисите кои се засегнати со уредбите – како угостителските објекти, превозниците, пазарите…