За заразениот скопјанец кој викна оператори да му местат кабелска се бара казна од 2 000 евра
Охридското обвинителство бара казна од 2 000 евра за 43-годишниот скопјанец, кој во својот стан во Охрид викнал вработени од кабелски оператор да му местат телевизија и интернет.
Обвинетиот на 13 март дошол во земјава од Австралија и заминал во станот во Охрид за да седи во изолација.
„Иако знаел дека е должен да се самоизолира, истиот ден се јавил во кабелски оператор и побарал во станот во кој престојувал да му монтираат кабелска телевизија и интернет. Притоа остварил личен контакт со тројца вработени во кабелскиот оператор, кои ги повикал и ги примил во просторијата во која престојувал, без да ги извести дека е во задолжителна самоизолација и без да носи заштитна маска и ракавици“,
соопштија од охридското обвинителство.
За истиот човек пред една недела информираше и полицијата, кога беше поднесена кривична пријава. Притоа, тие посочија и дека скопјанецот кога се вратил, пред да отиде да се самоизиолира во Охрид, бил да се тестира за коронавирус, а резултат бил позитивен.
Покрај за него, од обвинителството од Охрид информираа дека бараат 2 000 казна за уште едно лице кое не го почитувало полицискиот час.
*Поврзана вест: (АНАЛИЗА) Речиси милион евра од „непослушните“ чека Буџетот