Покрај шестемина, има и еден малолетник на возраст од 16 години поради што е потребно за него да се одржи подготвителна постапка
Битолското обвинителство бара казни за шест лица кои биле фатени дека се движат пеш или со возило во време на полициски час во текот на изминатиот викенд. Висината на казната што ќе изнесува за секој од нив, предлага обвинителот, да биде по 2 000 евра.
Покрај шестемина, има и еден малолетник на возраст од 16 години поради што е потребно за него да се одржи подготвителна постапка.
„За едно лице, дете на возраст од 16 години, јавниот обвинител до судија за деца во Основниот суд во Битола поднесе барање за поведување подготвителна постапка. Детето, заедно со двајца од обвинетите, се движело пеш во вечерните часови за време на забраната за движење“,
соопштија од Обвинителството.
Делото за кое се обвинети сите седум лица е непостапување според здравствените прописи за време на епидемија.