Вухан го тестира целото население по повторната појава на ковид-19

Од минатата пролет речиси и да нема ковид-19 во Кина, но во последните неколку недели се пријавени нови случаи

Кинескиот град Вухан, каде што кон крајот на 2019 година првпат се појави коронавирусот, повторно ќе ги тестира сите жители откако беа откриени неколку нови случаи, јавија денеска локалните власти.

Во овој град, со 11 милиони жители, вчера беа откриени три нови случаи на ковид-19, откако делта варијантата минатиот месец се појави на истокот од земјата.

Последните случаи на ковид-19 во Вухан беа регистрирани во мај 2020 година.

„Градот почнува итно тестирање на сите жители“,

изјави Ли Тао, претставник на градската администрација.

СЗО за коронавирусот: Извор е пазарот во Вухан, но и натаму е непознато како е пренесен на човекот

Вкупно седум работници од други провинции вчера добија позитивен тест на коронавирусот, од кои четворица не покажуваат никакви симптоми на болеста.

Од минатата пролет речиси и да нема ковид-19 во Кина, но во последните неколку недели се пријавени нови случаи.

Светот во карантин, во Вухан концерт со 11 илјади публика

Денеска се пријавени 90 нови инфекции, од кои 61 се случаи на локално пренослив ковид-19.

Во цела Кина во јули беа потврдени најмалку 300 инфекции.