СЗО за коронавирусот: Извор е пазарот во Вухан, но и натаму е непознато како е пренесен на човекот

Она што е главно е дека коронавирусот веројатно не влегол во човечкото тело директно од лилјаците на пазарот за морска храна во Вухан, како што се говореше во јавноста, туку најверојатно имало меѓупреносител

Меѓународната група експерти на СЗО, која од 14 јануари речиси еден месец престојуваше во Кина и притоа спроведе заедничко истражување со кинески експерти за да се утврди потеклото на ковид-19, разви четири главни хипотези за можното потекло на вирусот.

Она што е главно е дека коронавирусот веројатно не влегол во човечкото тело директно од лилјаците на пазарот за морска храна Вухан, како што се говореше во јавноста, туку најверојатно имало меѓупреносител.

Истрага на СЗО: Јазовци и зајаци од пазарот во Вухан можеби го пренеле коронавирусот

Истражувачите, исто така, го доведоа во прашање вештачкото потекло на ковид-19 и не ја поддржаа теоријата дека пандемијата е резултат на протекување на вирусот од лабораторија. Една од хипотезите која им била сугерирана од кинеските власти е дека вирусот е пренесен преку контаминирана храна. Меѓутоа, најверојатното потекло е од диви животни кои се продавале на пазарот со морски плодови во Вухан, наведуваат експертите на СЗО.

Институтот за вирусологија во Вухан отфрла дека коронавирусот „протекол“ од кај нив, додека СЗО трага по изворот

Доминик Двајер, микробиолог од Сиднеј, кој беше дел од експертската група на СЗО, вели  дека вирусот можело да се прими преку заразено животно, кое било продадено на пазарот.

„Пазарот можеби бил клучен за влегувањето на вирусот во човечкото тело“,

изјави Џоел О.Вертхајм, асистент по медицина на Универзитетот во Калифорнија, Сан Диего.

Тој додаде дека, според актуелните податоци до кои тие дошле, пазарот е местото каде што првично се проширил САРС-КоВ-2, но не мора да значи дека е тоа е местото каде што се појавил.