Вчера и српскиот патријарх Порфириј испрати писмо со сочувство до МПЦ-ОА
Порака со сочувство за трагедијата во Кочани испрати вселенскиот патријарх Вартоломеј до претседателката Гордана Силјановска-Давкова и до брегалничкиот митрополит Иларион, соопштија од Вселенската патријаршија.
„Вартоломеј му се моли на Бога за успокојување на душите на жртвите и да ги поддржи нивните семејства, како и да помогне во брзото закрепнување на здравјето на повредените“,
кажа тој.
Изрази сочувство и поддршка од патријаршијата и лично од него и до народот кој е погоден од трагедија.
И бугарскиот патријарх г. Данаиил вчера оствари телефонски разговор со Архиепископот г.г. Стефан, поглавар на Македонската православна црква – Охридска Архиепископија (МПЦ-ОА), во кој му изразува сочувство за трагедијата во Кочани.
„Болката и страдањето што во овој момент ги доживуваат нашите браќа и сестри од Северна Македонија се во исто време и наша болка и наше страдање,
се вели во соопштението од Бугарската патријаршија.
Вчера српскиот патријарх Порфириј испрати писмо со сочувство до МПЦ-ОА.
Синодот на МПЦ-ОА вчера соопштија дека „иако е невозможно да се најдат човечки зборови за утеха, сепак, утеха на семејствата и блиските, но и на сите нам, нека ни биде верата дека споменот на праведниците е вечен и дека тие вечно ќе постојат во Вечноживиот Бог“.