За утре се најавува сончево време со мала до умерена облачност, а вдолж Повардарието ќе дува слаб ветер од северен правец
Денеска ќе има сончево време со мала до умерена облачност. Според прогнозата на Управата за хидрометеоролошки работи (УХМР), по многу студеното утро кога температурите ќе се движат од минус 9 до 0 Целзиусови степени, во текот на денот тие ќе бидат во интервал од минус 1 до 8 степени.
И во Скопје утрото ќе биде многу студено со услови за појава на магла, а преку денот ќе има ниска облачност која попладне ќе ослабне. Температурата ќе биде од минус 3 до 6 степени.
За утре се најавува сончево време со мала до умерена облачност, а вдолж Повардарието ќе дува слаб ветер од северен правец. Утринските температури насекаде ќе бидат под нула, а наместа ќе се спуштат и под минус 8 степени. Во текот на денот температурата ќе биде од 2 до 8 степени.