За утре се најавува променливо облачно време, а кон крајот на денот и во текот на ноќта во западните и јужните делови ќе има локални врнежи од дожд
Сончево со мала до умерена локална облачност – вакво време не очекува во текот на денешниот ден според најавите од Управата за хидрометеоролошки работи (УХМР).
Во претпладневните часови ќе биде студено со појава на слаба магла и ниска облачност по одделни котлини. Во текот на денот ќе дува слаб, а на некои места умерен ветер од јужен правец.
Температурата наутро ќе биде од минус 6 до 2 Целзиусови степени, а во текот на денот од 7 до 12 степени.
И во главниот град денеска ќе има сончево и претежно тивко време со мала до умерена облачност. Температурата ќе биде од минус 5 до 7 степени.
За утре синоптичарите најавуваат променливо облачно време, а претпладне ќе има магла по одделни котлини. Кон крајот на денот и во текот на ноќта во западните и јужните делови ќе има локални врнежи од дожд, а ќе дува и слаб до умерен ветер од јужен правец.
Температурата утре ќе се искачи до 13 Целзиусови степени.