УХМР најавува и мала локална облачност и умерен, а на места засилен ветер. Во североисточните делови, пак, од средината на денот ќе има услови за изолирана краткотрајна нестабилност со појава на пороен дожд и грмежи
И денеска во земјава нè очекува сончево и многу топло време. Минималните температури ќе се движат во интервал од 14 до 20 Целзиусови степени, а максималните ќе се искачат од 30 до 42 степени.
УВ-индексот и денеска ќе изнесува 10.
Управата за хидрометеоролошки работи (УХМР) најавува мала локална облачност и умерен, а на места засилен ветер. Во североисточните делови, пак, од средината на денот ќе има услови за изолирана краткотрајна нестабилност со појава на пороен дожд и грмежи.
Во Скопје времето ќе биде сончево и многу топло со мала локална облачност и со слаб до умерен ветер од северен правец. Максималната температура во главниот град денеска ќе се искачи до 39 степени.
Високите утрински и дневни температури проследени со висок УВ-индекс ќе се задржат до среда. Особено топло време УХМР најавува за вторник и ќе биде активно портокалово ниво на опасност од високи температури.