Според најавите од синоптичарите, за време на викендот ќе се задржи засилениот северен ветер, но веќе од утре следува промена на временските прилики
Времето денеска во земјава ќе биде променливо облачно со сончеви периоди, а на одредени места ќе има услови за провејување на слаб снег. Преку ден ќе биде ветровито, при што ќе дува умерен, вдолж Повардарието повремено засилен ветер од северен правец.
Дневните температури ќе се движат во интервалот од 4 до 12 степени, додека минималните се спуштија од еден степен под нулата до шестиот степен.
Слична е временската слика и во главниот град. Во Скопје се очекува променливо облачно време со сончеви периоди и умерен северен ветер. Температурата ќе се движи од минимални 4 до максимални 10 Целзиусови степени.
Според најавите од синоптичарите, за време на викендот ќе се задржи засилениот северен ветер, но веќе од утре следува промена на временските прилики. Од недела се очекува почеток на период на стабилно време проследено со повисоки дневни температури.