Лицето е приведено поради сомневање за безобѕирно управување со моторно возило. Возилото е привремено одземено за понатамошна постапка, соопшти МВР
Осумдесет и седумгодишен скопјанец е лишен од слобода откако на социјалните мрежи беше објавено видео на кое се гледа како управува автомобил во спротивна насока на булеварот „Партизански одреди“ во Скопје.
Од Министерството за внатрешни работи информираат дека по преземените полициски мерки било утврдено дека станува збор за И.Г. (87), кој е приведен поради сомнение за сторено кривично дело „безобѕирно управување со моторно возило“.

Со него бил извршен службен разговор во Полициската станица Карпош, а во консултација со јавен обвинител ќе биде поднесена соодветна кривична пријава.
Возилото е привремено одземено за понатамошна постапка, соопшти МВР.
