На денешен ден, пред точно една година, Русија ја започна воената инвазија на Украина на која сè уште не ѝ се гледа крајот. Војната уби илјадници лица, принуди милиони Украинци да ги напуштат своите домови, цели градови претвори во урнатини и ги зголеми стравовите дека може да премине во отворен конфликт меѓу Русија и НАТО
Во продолжение погледнете низ фотографии како изгледаше првата година од војната:
Утрото на 24 февруари 2022 година милиони Украинци се разбудија во војна.
Првите експлозии се слушнаа во Киев во 3:27 часот изутрината, а потоа одекнаа и низ други делови од земјата.
Во првите денови од војната илјадници Украинци масовно го напуштаа главниот град.
Утрото на 24 февруари претседателот Володимир Зеленски ѝ се обрати на нацијата.
Тој рече дека Владимир Путин сака да ја уништи Украина додавајќи: „Но, ја знаеме силата на украинскиот народ“.
Украинскиот претседател воведе воена состојба и им забрани на сите украински мажи на возраст меѓу 18 и 60 години да ја напуштат земјата.
Масовниот егзодус во соседните земји како Полска започна уште од првиот ден.
Обединетите нации соопштија дека 8,1 милиони луѓе се раселени од Украина во Европа, што е околу 19 отсто од вкупното украинско население.
На почетокот на војната приближно 18,6 милиони луѓе првично ја напуштија земјата, но 10,3 милиони оттогаш се вратија назад во својата татковина.
Оние што останаа во Украина, пак, деновите ги минуваа во подруми, скривници и метро-станици криејќи се од руските експлозии.
Во прилог погледнете уште неколку фотографии кои ја одбележаа руската инвазија на Украина.
