Властите во оваа земја очекуваат ова да ѝ помогне на економијата и да спречи инфлација
Унгарската влада од денеска воведува „плафон“ на цените на горивата за да ги заштити потрошувачите од наглото зголемување на цените и да ја ограничи инфлацијата, која достигна најбрзо темпо од 2012 година.
За тримесечен период од 15 ноември, цените на бензините и на дизелот не можат да надминат 480 форинти (1,31 евро) за литар на бензинските пумпи.
„Се надеваме дека ова ќе и помогне на економијата и ќе помогне да се спречи инфлацијата“,
рече шефот на кабинет на премиерот Виктор Орбан, Гергеј Гулаш, минатата недела кога беа соопштени мерките.
Тој нагласи дека Унгарија ќе продолжи да ги замрзнува малопродажните цени на енергентите поради зголемените сметки за електрична енергија низ Европа.
Главната годишна инфлација во Унгарија во октомври се забрза до 9-годишниот максимум од 6,5 отсто, што е над очекувањата и делумно се должи на растот на цената на горивата за 30,7 отсто, што ги потисна нивните цени над психолошкото ниво од 500 форинти за литар.