Во училиштето на Вања ќе биде отворена книга на жалост

Оттаму се бара целосно расветлување на случајот во најкус можен рок и одговорност од извршителите. Се повикуваат граѓаните да останат обединети и да не подлегуваат на шпекулации

Во основното училиште „Јохан Хајнрих – Песталоци” утре ќе биде отворена книга на жалост поради смртта на 14-годишната Вања Ѓорчевска, која исчезна во понеделникот, а вечерва Обвинителството соопшти дека е пронајдено нејзиното тело. 

Исчезнатата Вања е пронајдена мртва во околината на Скопје

„Со огромно жалење, скршени од болка за прерано згаснатиот живот на Вања, ве информираме дека утре, од 9 часот, на службениот влез на училиштето ,,Јохан Хајнрих – Песталоци” ќе биде отворена книга на жалост. Ги повикуваме блиските и сите граѓани кои сакаат да оддадат почит да дојдат да се потпишат. Во моментот менаџментот на училиштето во соработка со повеќе психолози се подготвува за утрешниот ден со цел обезбедување поддршка за учениците и комуникација со нив на начин со кој сите полесно ќе го пребродат овој трагичен настан“,

се вели во соопштението од Општина Центар.

Оттаму се бара целосно расветлување на случајот во најкус можен рок и одговорност од извршителите. Се повикуваат граѓаните да останат обединети и да не подлегуваат на шпекулации. 

Обвинителството и МВР за утре во 9:30 ч. закажаа прес-конференција, се очекуваат детали за убиството на Вања

„Градоначалникот Герасимовски и сите вработени во Општина Центар изразуваат најдлабоко сочувство до семејството и блиските на Вања. Извршителите на овој грозоморен чин мора да одговараат во најкус рок, ги повикуваме институциите да го расветлат целосно случајот. Апелираме и до граѓаните да останат обединетив во овие тешки моменти и да не подгреваат шпекулации. Нека и е светол патот на Вања, ваква трагедија никогаш повеќе да не се повтори“,

се наведува во соопштението од Општина Центар.