Во изминатиот полициски час, МВР регистрирало дека 72 лица на ниво на цела држава не ја почитувале забраната за движење. 41 се приведени, додека за останатите се земени податоци и ќе се поднесат пријави, најавуваат од Министерството.
Во текот на изминатото деноноќие издадени се решенија за изолација на 59 лица, а 224 потпишале изјава дека ќе се стават во самоизолацијата.
Кога станува збор за оние што веќе се наоѓаат во изолација, полицијата констатирала дека само во еден случај таа била прекршена кога едно лице не било пронајдено во својот дом.
