Според првичните информации, експлозивната направа била скриена во минијатурна скулптура, а Трепова била таа која на Татарски му ја предала додека тој им се обраќал на група луѓе во кафуле
Службениците на Истражниот комитет ја приведоа Дарја Трепова, девојката осомничена за вмешаност во експлозијата во кафуле во Санкт Петербург и смртта на рускиот пропагандист Владлен Татарски, објави руската новинска агенција Тасс.
„Дарја Трепова е приведена од вработените во Рускиот истражен комитет, заедно со оперативните служби, поради сомневање дека учествувале во експлозијата во кафулето во Санкт Петербург“,
соопштија од одделението.
Владлен Татарски беше убиен во неделата во експлозија на бомба во кафуле во Санкт Петербург, а во експлозијата беа повредени повеќе од 30 луѓе.
Според прелиминарните податоци, експлозивната направа била скриена во минијатурна скулптура, а Трепова била таа која на Татарски му ја предала додека тој им се обраќал на група луѓе во кафуле.
Тасс пренесува дека во неделата вечерта органите на редот го претресле станот на Трепова во Санкт Петербург, каде што биле испрашувани нејзината мајка и нејзината сестра.
За разлика од многу други руски воени блогери и новинари на режимскиот Кремљ во Украина, Татарски носел оружје во борбени операции, јавува дописничката на Би-би-си за Русија, Олга Ившина.
Тој зборуваше од фронтот во Украина, а стана познат минатата година откако објави видео снимено во Кремљ, во кое вели: „Ќе ги победиме сите, ќе ги убиеме сите, ќе го ограбиме секој ако е потребно. Онака како што ни се допаѓа“.
Видеото е снимено на церемонијата во Кремљ, чиј домаќин беше рускиот претседател Владимир Путин, кој најави анексија на четири делумно окупирани региони на Украина, потег што наиде на меѓународна осуда.
Russian milblogger and pro-war propagandist Vladlen Tatarsky held a meeting at the city today. He’s now dead, according to RIA Novosti: https://t.co/ebBXbcsEPV pic.twitter.com/0BfE68GrWo
— Michael Weiss (@michaeldweiss) April 2, 2023
Кафулето во кое беше убиен Татарски претходно беше во сопственост на основачот на злогласната руска платеничка група „Вагнер“, Евгениј Пригожин. Рускиот блогер на апликацијата Телеграм го следеле повеќе од 560 000 луѓе. Иако ја поддржуваше руската инвазија на Украина, тој критикуваше некои аспекти од руската војна.