Аудиоснимките од комуникацијата меѓу контролорите во Мадрид и машиновозачите укажуваат на тоа дека еден брз воз добил дозвола за движење, иако пред него веќе стоел друг воз
Според шпанскиот јавен сервис ТВЕ, во текот на ноќта околу 1 500 луѓе се собрале пред зградата на шпанското Министерство за транспорт во главниот град, при што демонстрантите главно барале оставки од Санчез и Пуенте, а откако демонстрантите почнале да фрлаат шишиња и да палат факели, полицијата употребила солзавец за да ја растера толпата
Во Шпанија започнува тридневна жалост откако најмалку 68 лица загинаа, а десетици други беа повредени во една од најтешките железнички несреќи во модерната историја на Европа.
Екипите за итни интервенции работеа во текот на ноќта, осветлувајќи го теренот со моќни рефлектори, за да ги сечат металните вагони во потрага по жртви. Многу од загинатите во несреќата сè уште не се идентификувани, пишува Би-би-си.
Според официјални лица, по несреќата уште 107 лица побарале лекарска помош во болница, од кои 15 се во тешка состојба.
Емилијано Гарсија-Пахе, претседател на регионалната влада на Кастиља-Ла Манча, во средата изјави за новинарите дека е можно да има уште жртви, бидејќи сè уште не е возможно да се стигне до долниот дел од вагоните.
Надлежните ја истражуваат причината за несреќата, која се случи вчера наутро, кога воз што патувал од Мадрид кон Севиља удрил во воз што стоел на пругата.
Премиерот Педро Санчез изјави дека цела Шпанија тагува, додавајќи оти животи се уништени, семејства се растурени, болката е огромна.
Според шпанското Министерство за внатрешни работи, стотици припадници на службите се испратени на местото на несреќата за да помогнат во спасувачките операции, при што се користат и дронови и хеликоптери за лоцирање на жртвите и расчистување на урнатините.
Возот што стоел на пругата, управуван од приватниот железнички оператор „Ирио“, превезувал 147 патници. Според шпанскиот министер за транспорт, Оскар Пуенте, возот застанал на пругата поради компјутерски дефект.
Тој објасни дека во случај на системски дефект, контролата ја презема 24-часовен контролен центар во Мадрид. Сепак, од таму била донесена „необјаснива“ одлука да им се наложи на возовите повторно да тргнат, без никакви ограничувања на брзината.
Аудиоснимките од комуникацијата меѓу контролорите во Мадрид и машиновозачите укажуваат на тоа дека еден брз воз добил дозвола за движење, иако пред него веќе стоел друг воз.
🚨 AUDIOS FILTRADOS REVELAN CADENA DE ERRORES EN EL ACCIDENTE FERROVIARIO DE ESPAÑA🚄 https://t.co/DxrjtIzvWH
— Jazmín Tamayo (@Jaz_Tamayo) October 29, 2026
Од „Ирио“ соопштија дека во нивниот воз било удрено одзади од друг воз, управуван од шпанската државна железничка компанија „Ренфе“, во кој имало 397 патници. Од силината на ударот, неколку вагони се превртеле и паднале од насипот.
Сведоци раскажуваат дека виделе луѓе како плачат и крварат, патници заглавени на своите седишта, како и густ чад што се ширел низ вагоните, од кои еден се запалил.
Санчез изјави дека е неприфатливо што Шпанија годинава претрпе две тешки железнички несреќи. Претходно, во јануари, во несреќа со воз за големи брзини во близина на Кордоба загинаа 46 лица. Таа несреќа се случила на истата линија како и онаа вчера, но многу појужно. По инцидентот, повеќето политички партии ја прекинаа кампањата за претстојните избори.
Според шпанскиот јавен сервис ТВЕ, во текот на ноќта околу 1 500 луѓе се собрале пред зградата на шпанското Министерство за транспорт во главниот град, при што демонстрантите главно барале оставки од Санчез и Пуенте.
🚨🇪🇸Chaos in Madrid, Spain, as police attack thousands of protesters demanding justice for the 68 people killed in the train disaster. Pedro Sánchez sent police against his own people protesting outside the Transport Ministry after the horrific crash! Like Serbian students, Spaniards are demanding accountability, knowing that corruption led to this disaster.
— Mario ZNA (@MarioBojic) October 28, 2026
Полицијата употребила солзавец за да ја растера толпата, откако демонстрантите почнале да фрлаат шишиња и да палат факели. Нема извештаи за повредени лица или апсења.
Се очекува машиновозачите денеска да продолжат со планираниот штрајк. Шпанскиот Синдикат на машиновозачи соопшти дека штрајкот ќе се одржи „во одбрана на безбедноста на железницата“.
Синоќа, роднините сè уште се обидувале да дознаат информации за патниците кои се наоѓале во еден од возовите.
Шпанската Граѓанска гарда отвори пунктови во Мадрид, Толедо, Севиља и Кордоба за да ги истражи пријавите за исчезнати лица.
„Најголем приоритет е идентификацијата на исчезнатите лица и земањето примероци од ДНК, со цел да се лоцираат нивните роднини“,
објави Граѓанската гарда на платформата Икс.
‼️Accidente tren 🚨 La Guardia Civil ha desplegado en la zona personal de Seguridad Ciudadana de la provincia de Toledo, OMAC (Oficinas Móviles de Atención a la Ciudadanía) así como agentes del SEPRONA y de la Jefatura de Tráfico. ✔️ También se desplazan a la zona en este momento unidades de Seguridad Ciudadana de Ciudad Real y Albacete, de los Grupos de Reserva y Seguridad (GRS), del Servicio Aéreo, de drones, grupo de Caballería y el Equipo de Grandes Catástrofes del Servicio de Criminalística, del Servicio Cinológico y de Policía Judicial.
— Guardia Civil (@guardiacivil) October 28, 2026
Во Толедо, во близина на местото на несреќата, локалното население одржа едноминутно молчење за време на собир во чест на жртвите.
Во Брисел, знамињата на Европската унија се спуштени на половина копје, што Европската комисија го нарече „знак на европска солидарност“ за време на периодот на жалост во Шпанија.
Несреќата што се случи во средата е најтешката во земјата од 2013 година, кога 80 лица загинаа во близина на Сантијаго де Компостела, во Северозападна Шпанија.